影片
更多
2022-11-23
310 浏览
最鍾意去凑凑打邊爐，因為可以飲到我覺得係全香港最好飲嘅大紅袍奶茶😍😍奶茶控一定要試。講返正題，佢嘅火鍋都好正。我哋叫咗新出嘅白貝海鮮鍋，加埋最經典嘅麻辣鍋，豆腐同鴨血無限加，你明㗎啦😂記得首先先飲海鮮鍋嘅湯，好濃蠔味，仲有好多海參，乾貝等，好好飲，飲完先打邊爐呀。肉類我哋揀咗美國特選級牛肉雙拼，有兩種牛，一邊肥少少滑少少，一邊就牛味重啲香啲，睇個人喜好，我就覺得味道唔會差好遠，都好味嘅。海鮮類叫咗筆管魷魚，唔錯，有三隻，都幾大隻，不過魷魚好快熟，唔好擺太耐，一熟就食就好彈牙。脆吳郭魚片，未食過呢隻魚，都係第一次聽，所以試吓，口感爽滑，但冇脆肉鯇咁爽。蔬菜拼盤，見張相好靚，所以要咗大份，點知。。。真係好大呀，成張枱咁長😆真係好抵食，乜嘢菜都有齊咁濟，皇帝菜、生菜、沙律菜、蘑菇、金菇、蘿蔔、蕃薯、蓮藕。。。多到數唔晒。重點要介紹呢杯奶茶，而家新出咗燕麥奶版嘅，對奶過敏嘅人都飲得呀，正🤩佢嘅大紅袍香味真係其他地方飲唔到，非常好味，其實平時行過我都會買返杯，不過打住邊爐飲，好似更開心🥰🥰仲有，佢中間送嘅沙冰好消暑好解辣，最後送嘅梅子啫喱都好好味，我忍唔住問店員有冇得單買外賣買走，原本係冇㗎，要
講返正題，佢嘅火鍋都好正。我哋叫咗新出嘅白貝海鮮鍋，加埋最經典嘅麻辣鍋，豆腐同鴨血無限加，你明㗎啦😂記得首先先飲海鮮鍋嘅湯，好濃蠔味，仲有好多海參，乾貝等，好好飲，飲完先打邊爐呀。
肉類我哋揀咗美國特選級牛肉雙拼，有兩種牛，一邊肥少少滑少少，一邊就牛味重啲香啲，睇個人喜好，我就覺得味道唔會差好遠，都好味嘅。
海鮮類叫咗筆管魷魚，唔錯，有三隻，都幾大隻，不過魷魚好快熟，唔好擺太耐，一熟就食就好彈牙。脆吳郭魚片，未食過呢隻魚，都係第一次聽，所以試吓，口感爽滑，但冇脆肉鯇咁爽。
蔬菜拼盤，見張相好靚，所以要咗大份，點知。。。真係好大呀，成張枱咁長😆真係好抵食，乜嘢菜都有齊咁濟，皇帝菜、生菜、沙律菜、蘑菇、金菇、蘿蔔、蕃薯、蓮藕。。。多到數唔晒。
重點要介紹呢杯奶茶，而家新出咗燕麥奶版嘅，對奶過敏嘅人都飲得呀，正🤩佢嘅大紅袍香味真係其他地方飲唔到，非常好味，其實平時行過我都會買返杯，不過打住邊爐飲，好似更開心🥰🥰
仲有，佢中間送嘅沙冰好消暑好解辣，最後送嘅梅子啫喱都好好味，我忍唔住問店員有冇得單買外賣買走，原本係冇㗎，要食就要再去多次打邊爐啦😂
张贴
