大頭芋烘焙

营业中

休息中

係未食芋頭酥之前，一睇到佢既外型已經覺得好靚，好吸引，一層層既酥皮整到好似玫瑰花咁靚，見到就好想即刻食第一啖。食左第一啖已經感受到芋頭酥裏面既餡又甜又香滑，唔會太膩，太乾同太甜，做得啱啱好，食一舊都唔會即刻好飽，仲想即刻食第二舊添！而且啲芋頭好香好鮮甜，有好濃嘅芋頭味。芋頭酥個表面做到一層層咁，唔會好厚同好大舊咁，咬落去好有口感，每啖都充滿住芋泥，芋頭味令人感覺好滿足。芋泥質感綿密，而且好多芋頭粒，仲要好大粒添！芋頭酥簡直係平時做做下嘢，或者溫書既時候肚餓既最好選擇，更加係下午茶既必備首選，好值得推介俾身邊既朋友，同學，家人食，芋頭控更加一定唔可以錯過呀！