影片
更多
2008-08-14
12 浏览
上兩個星期日,我地帶埋兩個小朋友係西貢游完水返黎,幫佢地洗完涼~~終於輪到我地醫肚啦!! 之前我地係車商討左好耐,終於決定去呢個我好想食,但一路未有鼓起勇氣去食既餐廳-----錦田巿既沙查亨!!!呢間係一間印度餐廳, 我成日見佢無咩人,我一路以為佢轉左做有半茶餐廳,我6點未夠打去BOOK 7:00枱,我地同媽咪7點去到,只係得一枱食緊… -.-"我見到呢度有烤羊卷,呢味菜我好耐之前係姑姐係重慶大廈開既餐廳食過,好好味(我姑姐老公係尼泊爾人,佢請既都係印度廚師),但之後食過好多開印度菜館,個味都唔得,差太遠,變成好難食,但呢間雖然無姑姐間咁好味,但唔係差太遠,我見到呢度個廚師都唔係中國人!!呢度有套餐,抵過散叫好多,但我地想試多幾款,所以叫左個三人餐,再加其他野!!三人套餐: 炸洋蔥圈 (D洋蔥好大好新鮮) 咖喱角 (3隻) 烤羊卷 (勁好味,老闆話下個毯底既係有機菜,同埋本來係併烤雞,我想食羊卷,所以改哂全部係羊卷) 咖喱羊肉 咖喱三角頭 (佢寫黃豆,但媽咪話佢用既係貴D既三角豆) 芝士菠菜蓉 (D芝士係自己造,個味都幾得意) 蒜香烤餅 & 印度炒飯 芒果 & 原味酸奶 (因為佢話當晚
呢間係一間印度餐廳, 我成日見佢無咩人,我一路以為佢轉左做有半茶餐廳,我6點未夠打去BOOK 7:00枱,我地同媽咪7點去到,只係得一枱食緊… -.-"
我見到呢度有烤羊卷,呢味菜我好耐之前係姑姐係重慶大廈開既餐廳食過,好好味(我姑姐老公係尼泊爾人,佢請既都係印度廚師),但之後食過好多開印度菜館,個味都唔得,差太遠,變成好難食,但呢間雖然無姑姐間咁好味,但唔係差太遠,我見到呢度個廚師都唔係中國人!!
呢度有套餐,抵過散叫好多,但我地想試多幾款,所以叫左個三人餐,再加其他野!!
三人套餐:
炸洋蔥圈 (D洋蔥好大好新鮮)
咖喱角 (3隻)
烤羊卷 (勁好味,老闆話下個毯底既係有機菜,同埋本來係併烤雞,我想食羊卷,所以改哂全部係羊卷)
咖喱羊肉
咖喱三角頭 (佢寫黃豆,但媽咪話佢用既係貴D既三角豆)
芝士菠菜蓉 (D芝士係自己造,個味都幾得意)
蒜香烤餅 & 印度炒飯
芒果 & 原味酸奶 (因為佢話當晚無甜品,所以送夠5杯俾我地)
另外散叫:
串燒魚 (好味)
鑊仔雞 (個味有少少似南乳雞)
印度香飯1碟
個酸奶幾好味,我地再叫多兩杯 (我一杯甜味,亞妹就試杯咸味)
呢度仲要唔係好貴,我地五個人都係食左$422 (連加一),下次可以再食過!!!
* 陪埋綠色醬更好味
呢間餐廳都幾好AR,不過可能遠,所以無咩人,到我地走時,計埋我地都係4枱客,不過呢度本身就好細,都係淨2-3枱未有人坐啫
不過老細就口水多過茶,好聽d就恩勤,不過我就覺得佢有少少煩.....
张贴