肇順名匯河鮮專門店 (已結業)

第一次係megabox飲茶，以為公眾假期中午會好多人，點知e間肇順名匯河鮮專門店唔多人，不過唔多人唔證明佢d野唔得。例牌點心都係叫個幾樣，介紹幾樣我覺得比其他酒家好食的點心~:燒賣---比其他一般酒樓都好食，好有冬菇&豬肉味，絕對食得出佢有咩料，唔會比d調味料掩蓋哂lor。南瓜餅---唔油(試過係其他酒樓食好鬼油)，煙煙"unun"，外皮清淡內饀帶甜，我最愛~藕餅----好好味!雙皮奶---甜度適中，很滑~~~~特別介紹魚片粥，因為見佢地既店名叫"河鮮專門店"所以係咁e都要叫下d海鮮XD。佢地用新鮮魚切片滾粥，好鮮甜，食哂成碗!!不過都有彈既地方，間野其實唔多人，但係個部長偏偏帶我地入一間幾僻既房，有時要出去叫D waiter幫我地落單，希望改善下啦~~~~見到隔離台叫左一煲砂鍋的東西，十分之香，下次試下先~PS.記住有特價點心架，如果佢冇俾你你就問下佢地有冇啦~我唔清楚係唔係日日有。