酒地雞煲火鍋 (已結業)

今晚我同我男人睇完戲搵下有咩好野食啦行行下見依到有間食雞煲既店見天氣涼涼地，所以我地就入去食啦入到去環境雖小，但感覺好熱鬧，因為播任我最喜愛鏡仔既歌又見到又枱係到跟住唱！氣氛好好！小店果然唔同D，就係有依種既人情味！咁佢地就唔係任飲任食既，所以我同我男人都望左個餐牌好耐！就決定試下佢地個招牌麻辣雞煲啦！唔洗等好耐就有得食啦！個雞煲D雞好滑！雞皮好脆，好似食啫啫雞煲既感覺但再加上有D麻麻辣辣既感覺！感覺不錯喔！之後我男人佢唔夠飽！咁我地又再加菜呀！再加多份雞件！同埋二個白飯一齊倒哂落去打邊爐！正正正正正一路聽住鏡仔歌，一路打邊爐！如果IAN坐係我格離一齊食就好啦！