風雲丸 (已結業)

知道黎自廣島嘅風雲丸係香港開店，一直都有人龍排隊，我又點可以錯過，父親節黎呢度食。 我叫咗個石燒肉盛豚骨魚介味沾麵，因為有4塊肉，大大塊，啱晒食肉獸嘅我。麵可以選冷或温，份量分為盛(200g)，大盛(300g)或特盛(400g)，價錢都係一樣。石鍋好熱，湯好濃，塊肉好滋味，我自己另外在叫咗紫菜同粟米，配埋好豐富好正。另外，仲有叫咗餃子，餃子都煎得好乾身唔油，皮薄多肉。我仲叫咗枝豆，咁除咗肉，食d豆類健康一下。好味會再嚟。