影片
更多
2021-05-29
510 浏览
近年古早味蛋糕熱潮興起，喺香港備受追捧，坊間打住“古早味”旗號嘅蛋糕店越開越多，好多人氣店仲會大排長龍等蛋糕出爐，打卡影相。呢間位於深水埗嘅古早蛋糕店，以“正宗古早，低糖少油，黃金底邊”做招徠，店面嘅蛋糕陳列品賣相確係幾吸引。負責人話主理嘅師傅專登飛台灣淡水學藝，務求將最正宗嘅古早味帶返嚟，所有蛋糕都係用“水浴法”烤焗，烤嘅時間更長但口感味道更正宗更好。每個鐘頭新鮮手工現烤，用料方面每日選擇新鮮食材。為咗迎合追求健康嘅習慣，蛋糕都係低糖低油，糖選用黑糖，所有蛋糕甜度一致。蛋糕有幾十種味道供選擇，負責人推介擂沙黑芝麻同薑汁味都唔錯，我就覺得蒜蓉同芫茜味應該會好特別。不過每日只會有某幾款味道，而且數量有限。想食可提前一日打電話預訂，仲可以喺深水埗地鐵站交收，係幾貼心嘅服務。我揀咗肉鬆味同特級骯髒咖啡朱古力味。肉鬆味呈現誘人嘅金黃色，面頭鋪滿微焦嘅肉鬆，食落更香更煙韌。蛋糕口感鬆化而且蛋香味十足，濕度比較高但唔會黏口，感覺似係較實心的海綿蛋糕。肉鬆夾層均勻，唔會得中間或者邊位有，又唔會沉晒落底。特級骯髒咖啡朱古力雖然係黑色，但面頭鋪滿五顔六色嘅脆脆同朱古力豆，豐富嘅口感，食落咖啡味同朱古力味
呢間位於深水埗嘅古早蛋糕店，以“正宗古早，低糖少油，黃金底邊”做招徠，店面嘅蛋糕陳列品賣相確係幾吸引。負責人話主理嘅師傅專登飛台灣淡水學藝，務求將最正宗嘅古早味帶返嚟，所有蛋糕都係用“水浴法”烤焗，烤嘅時間更長但口感味道更正宗更好。每個鐘頭新鮮手工現烤，用料方面每日選擇新鮮食材。為咗迎合追求健康嘅習慣，蛋糕都係低糖低油，糖選用黑糖，所有蛋糕甜度一致。
蛋糕有幾十種味道供選擇，負責人推介擂沙黑芝麻同薑汁味都唔錯，我就覺得蒜蓉同芫茜味應該會好特別。不過每日只會有某幾款味道，而且數量有限。想食可提前一日打電話預訂，仲可以喺深水埗地鐵站交收，係幾貼心嘅服務。
我揀咗肉鬆味同特級骯髒咖啡朱古力味。肉鬆味呈現誘人嘅金黃色，面頭鋪滿微焦嘅肉鬆，食落更香更煙韌。蛋糕口感鬆化而且蛋香味十足，濕度比較高但唔會黏口，感覺似係較實心的海綿蛋糕。肉鬆夾層均勻，唔會得中間或者邊位有，又唔會沉晒落底。特級骯髒咖啡朱古力雖然係黑色，但面頭鋪滿五顔六色嘅脆脆同朱古力豆，豐富嘅口感，食落咖啡味同朱古力味都好出，唔會太甜。
张贴
