影片
更多
2021-03-20
187 浏览
本身睇MENU見佢TEA SET價錢唔貴而且款式又幾吸引就入去，落單要自己掃QR CODE點餐，當時都未見有寫製作時間幾長，以為都係等十零分鐘，點知打完機已經等咗29分鐘都未到就問下職員，女職員首先望到我枱未有食物，唔係行來問我咩事，係衝返去電腦望下我點左咩餐先，再埋來同我講鬆餅係要等30分鐘以上，我心諗你都幾醒喎……我等左近半個鐘，你就講要半個鐘以上……好啦都照等，諗住應該幾分鐘內點都有，點知係等到42分鐘時另一位職員都覺得唔妥，主動叫其他人睇睇呢張單出未，然後廚房方向有一位女職員跑出來同其他職員講『Sorry呀xx(職員名)原來12號枱張單……』(後面細聲左我聽唔到)咁我唔知究竟係漏單定點，但講完呢句冇耐就真係捧到個餐出來俾我，我懷疑根本係整好左唔記得上碟……但食物本身我覺得又真係抵食而且好食，鬆餅真係做到外脆內軟，有奶蓋泡、黑糖珍珠、一球雪糕、cream、仲有少少士多啤梨，而且個黑糖漿幾濃郁，配雪糕食已經好好食，奶蓋泡有少少鹽味，令成碟野都有層次唔會一味死甜，係k11來講連埋加一都係64蚊算平，如果同朋友來可以一直吹水等落去我都未必介意，但都係希望餐廳可以係落單時大隻字寫明呢個餐
落單要自己掃QR CODE點餐，當時都未見有寫製作時間幾長，以為都係等十零分鐘，
點知打完機已經等咗29分鐘都未到就問下職員，
女職員首先望到我枱未有食物，唔係行來問我咩事，係衝返去電腦望下我點左咩餐先，
再埋來同我講鬆餅係要等30分鐘以上，我心諗你都幾醒喎……我等左近半個鐘，你就講要半個鐘以上……
好啦都照等，諗住應該幾分鐘內點都有，點知係等到42分鐘時另一位職員都覺得唔妥，
主動叫其他人睇睇呢張單出未，然後廚房方向有一位女職員跑出來同其他職員講『Sorry呀xx(職員名)原來12號枱張單……』(後面細聲左我聽唔到)
咁我唔知究竟係漏單定點，但講完呢句冇耐就真係捧到個餐出來俾我，我懷疑根本係整好左唔記得上碟……
但食物本身我覺得又真係抵食而且好食，鬆餅真係做到外脆內軟，
有奶蓋泡、黑糖珍珠、一球雪糕、cream、仲有少少士多啤梨，而且個黑糖漿幾濃郁，
配雪糕食已經好好食，奶蓋泡有少少鹽味，令成碟野都有層次唔會一味死甜，
係k11來講連埋加一都係64蚊算平，如果同朋友來可以一直吹水等落去我都未必介意，
但都係希望餐廳可以係落單時大隻字寫明呢個餐係要等咁耐
原味黑糖珍珠鬆餅
$64
9 浏览
0 赞好
0 留言
张贴
