添好運點心專門店 (已結業)

新年最緊要飲個靚茶，又點可以放過呢間米芝連茶樓。一行8人，加上新年，排隊嘅人都幾多下，排左一陣終於畀得地排到，可以入座。呢度都係一個好講效率嘅地方，一坐底就上茶，之後你望到嘅每個角落，都會有點自家嘅廣告，野食嘅大頭相。一坐低唔會有屋村酒樓果種，好懶可以坐一日嘅氣氛，老實講似食快餐多過飲茶。如果唔係想朝聖，一行咁多人真係應該要揀翻屋村酒樓，野食可能質素無咁好，但至少有空間傾下偈、講下笑。講翻野食，果日嘅排骨飯偏肥岩晒我個fd食開肥膩野，但轉著係我就一般般啦，飯又煮得唔錯，岩食嘅都。仲有蝦餃，個皮唔係真係好薄，有點痴牙，覺得下次可以點多次，睇下係佢今次蒸得唔好定係手工唔好。其他野，一沖路吹水，一翻邊食都無咩特別印象。