營業部 (已結業)

星期日係深水埗買完hard disk，行經西九龍中心，好耐都冇黎過喇，諗住順便食埋個dinner，行到去8樓美食廣場見到有勁多鋪頭仔，中西日韓台美食咩都有，花多眼亂，行完一圈都唔知食咩好，真係間間都想試下。最後搵左間都有唔少人係出面等緊既拉麵店，間野既鋪名叫「營業部」都幾有趣。睇到menu有拉麵有烏冬，我揀左黑蒜油拉麵。個收銀話人多既關係要等15-18分鐘，等呀等終於到我既黑蒜油麵。拉麵既湯底夠濃，麵質爽滑，份量岩岩好，有4片叉燒加埋流心蛋，53蚊算係十分超值，出面食咁既份量最少要70，80幾蚊，下次黎會試下其它款。