任你點車仔麵 (已結業)

位於深水埗的任你點車仔麵係佢地嘅首店，依家仲有2間分店啦，分別係九龍城同灣仔。而任你點暫時仲係我嘅車仔麵名單中排榜首，因為餸菜選擇多，好味得泥又唔貴！呢晚6點幾去到，大約等左10分鐘入座。牆身供客人自由畫畫寫字，感覺好warm呀~愈來愈多車仔麵店有花膠揀，呢到嘅花膠只係$13份，份量一點都唔吝嗇，兼且大大件，好似食緊花膠扒咁。我同男朋友揀嘅餸菜差唔多，除左花膠係必點，另外私心推介蛋白魚腐!!!同平食嘅魚腐口感唔同，裡面索哂d湯又好嫩滑架!!任你點嘅蒜辣雞翼尖都值得一讚，就算放左係湯到，佢嘅蒜辣味都冇減少到，好夠味。人均唔洗$50吃到飽。