OPPA韓國燒肉店 (已結業)

月頭既時候入左大埔搵朋友 試左呢間OPPA燒肉入到去D店員就好熱情咁招呼我地 椅子下可以放手袋 真係好方便我地今次叫左江南海鮮燒肉放題見到叫野食既紙 就發現呢道既野食真係應有盡有 無論係雞牛定豬都可以食到坐低冇幾耐就上左個頭盤唔好以為平既放題唔會食到D咩好味既牛肉 呢到既牛肉入口即融 而且冇咩筋 唔會話難咬開頭盤咁多種牛 而呢咁多款牛之中個人最推薦既就緊係兩款A4黑毛和牛 講得係A4級別咁就當然比普通既牛肉好食 呢兩款既A4和牛我就比較中意A4黑毛和牛三角腩 三角腩素來油脂分佈平均 入口即融 真係食完即刻叫多碟黎食而無骨牛肋肉都好好食 好嫩而且同樣油花都好多 而我個人係中意比較食多油脂既牛肉 所以呢到既牛真係好岩我口味呀 呢到既鹿毛島牛柳粒都唔錯 平時出面食既牛柳粒成日都有D韌 但呢到既牛柳粒好軟好易咬得到 真係令人覺得好意外既然叫得海鮮燒肉放題咁又點會得牛呢 呢到既深海虎蝦好新鮮 D肉唔會痴殼 好易就剝到出黎 深海虎蝦之外 呢到既魷魚都好好食 好新鮮 值得推介 仲有一開始附送既帶子都好好食 可惜冇得單叫 如果有就更好了除左海鮮同牛肉 呢到既五花腩同雞肉都唔錯 特別係雞肉 好入味好香