澳門茶餐廳 (已結業)

本來諗住去康怡吉之島入面搵野寫, 但係發現全部係貴野仲要排長龍慘在連老麥都要排長龍...所以都係走返出去澳門茶餐廳基本上每次黎康山都會食, 不過對上一次都唔知几耐之前lu晏晝兩點几都仲要排隊, 不過可能始終食飯時間開始過好快都好位lu~ 大概五至十分鐘左右啦三個人嗌左一個咖喱牛腩配豬仔包兩個, 一個午餐既南乳雞球大碗飯, 三個葡撻, 兩隻乳鴿, 兩杯凍啡咖喱牛腩比想像中大足料又好味, 最正係將個豬仔包點咖喱汁!! 乳鴿雖然細隻, 但係好厚肉, 又多汁, 吱左檸檬汁再點d 淮鹽...perfect!至於大碗飯, 無特別, 一般茶餐廳貨色另外, 葡撻都几失望ga...隔住玻璃見到個個d 蛋漿脹卜卜諗住新鮮熱辣但係黎到只係微暖ga 咋...同埋咬開入面d 蛋一d 都唔滑, 仲會散開一粒粒tim...凍啡我無份飲...所以唔知喎服務態度還可以啦, 不過d 侍應會亂咁擺單, 成日將隔離檯張單比埋我地...呢個係去開康山既好選擇, 不過只限於散嗌既野食同乳鴿...hee~雖然價錢偏貴, 但係0個度食乜野都係咁上下價錢啦...