南越牛肉粉 (已結業)

曾幾何時，屋企附近有越南館子，一個月最少去兩三次。昨天小女孩又話帶我去食好嘢，佢話係隔離 公司一個肥仔推薦嘅小館。小朋友一坐下就話"我要飲椰青"。我好多時去到越南或者泰國館子， 都會嗌拼盤 ，今次呢個拼盤最好食嘅係蒸粉卷， 真係好耐都未食過咁好味嘅份卷，裏面微微辣， 夠熱，粉皮又軟熟。 小女孩話要食香芒鮮蝦米紙卷，我特登等佢食完第一嚿，就問佢"芒果呢？"佢就答係喎芒果喺邊 ？我話呢個米紙卷嘅特色就係用咗青芒果，平時攞嚟做沙律嗰隻青芒果， 配搭真係非常之好。 至於馬拉盞炒芥蘭酒就一般啦。