點點甜 (已結業)

又到左3點3下午茶時間，同朋友一齊有啲口痕想食少少野。經過呢間甜品舖下午都有開門。食番碗糖水先！🙂朋友話見到有呢個set好似幾抵。$40就有個沙律，意粉，加杯野飲。見大家都有少少餓，所以叫左一個set share 黎食 🙂下午時間糖水舖都可以咁full😳。唔洗等好耐就有得食喇！黑松露磨菇白汁意粉🍝都幾大碟喎！已經嗅到好濃既黑松露味。味道都唔差。好多磨菇😜。若果加點肉味，調下個味會更好吃。兩個人share食都已經夠了。前菜係蟹籽沙律，仲叫左椰青水 解一解渴，😉好清甜。今日既主角黎喇😊：芋圓仙草盛 😍好多料呀！！有大大舊既紫薯蓉 整到成個雪糕咁，食落好sweet.好夠甜。😉仲有小丸子，紅豆，不同味既芋圓，仙草同西米！太豐富了！將全部料撈混黎食，全部都好match.又好有口感而仙草仲可以叫熱的！😊食落成碗糖水暖暖地。朋友叫左 榴蓮飄香：水晶珠，奶凍，榴蓮肉，椰果！呢個都幾好味。好多榴蓮肉，岩哂啲榴蓮迷！食落個味好濃郁！😋而且食落去我以為係西米，口感好爽，覺得好奇怪。原來係水晶珠黎！🤣！唔怪得咁爽！而個奶凍布甸都幾好味，吸左成個榴蓮既味，食落好滑。