芽莊越式料理 (海港城)

营业中

休息中

今晚約左朋友去海港城買野，咁就食晚飯都系果邊食喇，果邊好多野食，品種多，就決定去到再決定食邊間喇，行到芽荘越式料理呢間店，見到都有幾多人系度排隊，又剛好想食越式菜，就排隊等喇，呢間店環境都可以，幾適合朋友聚會，但性價比唔高。呢間店應該系牛肉系特色菜，見到好多人都點左呢個牛肉沙拉，不過味道果然唔錯哦，好大件牛肉，蔬菜同水果都好新鮮，加上芝麻，再淋上佢地嘅醬汁，味道好特別，但又好好食。生牛肉河粉，牛肉同樣都好出色，好鮮嫩，湯汁美味香濃香，牛肉內質好好，但如果唔接受生的食物就唔好點喇，如果接受到呢個絕對唔可以錯過。春卷我覺得幾好食，炸得好脆，但朋友就覺得有D油，我就唔覺，入邊D餡好好味，不過有D小貴，中意食油炸野嘅朋友仔可以試下。烤串應該都算系佢地嘅特色菜，我覺得味道都好正，內質本身就好新鮮，佢地嘅醬汁應該系秘制嘅，好特別嘅口感，好好食。