越味皇 (已結業)

路德圍有好多食店，今次揀食越南菜，生牛肉湯粉係先生至愛之一，今次都唔例外叫左碗，仲加點牛油蒜蓉雞翼，牛油果軟殼蟹米紙卷，越式蒸粉包，牛油果沙冰，越式炒芥蘭。越味皇頂頂級生牛肉湯粉湯底濃郁加少少青檸提鮮，牛肉軟嫩唔會柴，我鍾意加少少辣椒會更好味，連湯都飲晒牛油蒜蓉雞翼好香口，外脆內有汁，醃得好夠味，唔會成口油牛油果軟殼蟹米紙卷點埋酸甜汁好味，軟殼蟹炸得香脆可口。越式蒸粉包有好多料，不同配料有不同口感，加埋一齊好夾，味道都唔錯，唯一缺點係可能驚痴底所以加左油係碟，但加得多左點。越式炒芥蘭都唔錯，味道甜甜地芥蘭新鮮爽脆唔會苦牛油果沙冰好濃稠，好smooth, 第一次飲牛油果製既飲品，估唔到味道唔錯。有位高高既男侍應有禮貌亦有笑容