河內越式料理 (村南道)

营业中

休息中

今次嚟到大圍呢間越式河內料理， 一睇門面裝修就覺得非常之有越南feel，好多竹製嘅元素喺入面，而餐牌都放曬出嚟，十分之經濟實惠，性價比好高。 最緊要係佢店舖夠乾淨衛生，疫情之下尤其重要。今次叫咗佢個牛三寶湯河，入面有牛丸肥牛同埋牛展，d料都算幾多， 三款牛一次過滿足曬你三個願望，本人就最鍾意佢個牛展，咬落十分之爽口，又有啲彈性。 而肥牛就係半生熟咁上嘅，靠佢個熱湯去浸熟啲牛，所以食落嘅時候就會啱啱好熟，十分之嫩口。個湯飲落都幾鮮味，配埋河粉食，就好好味。小食方面叫咗個酥炸軟殼蟹，上枱嘅時候仲熱辣辣好新鮮，食落夠曬酥脆，仲保留到蟹嘅鮮味。 另一款小食就係炸蝦餅， 蝦餅夠曬彈牙而且蝦味十足， 呢間嘢炸嘢方面都做得幾出色。另外叫咗個炸春卷湯檬， 個汁較到啱啱好酸度， 食落好開胃。 而且春卷嘅素菜都十分之多， 啱曬鍾意健康嘅朋友。