池記 (已結業)

好耐之前食過一次池記,只係記得佢D野食真黎得好快,味道係點就唔記得,不過快得黎又熱辣辣。今日LUNCH時間去,間間餐廳都係咁多人,佢都係咁多,有時間所以等下喇,多人不過好快就入得去。見佢有個金衣蟹皇粥，唔知好唔好食呢,見佢賣相唔錯,所以我就揀左佢,叫了店員來落單,叫左芥蘭同我個粥,朋友揀左雲吞麵,佢話我個個粥要耐D,都係無所謂,不過佢地好有禮貌,等左一陣間，朋友個雲吞麵就已經到左喇。賣相正,好香既麻油同一陣湯味,朋友話個湯真係好香,個麵都好爽口,個湯清清地但好味精,雲吞d蝦都好新鮮,同爽口,等左一陣,我叫既蟹粥終於都出場,一開個蓋，一陣香氣已經吸引住我,要快d試下先。蟹粥裹面有完整既蟹仔,仲有好多蟹膏,加埋有少少乾瑤柱,好鮮好香,個粥底都吸到味,成個都唔錯。