茶餐廳2.0 (已結業)

係荃灣行完IKEA，肚子餓，搵到間茶餐廳醫肚。同朋友一人叫左個飯，分別係咖哩牛腩飯, 62元，焗豬扒飯, 58元。價錢上，其實算偏貴，一般坊間都係４十幾５０元左右。價錢貴都唔緊要，最緊要好味。先來咖哩牛腩飯，食落的確係我地鍾意既咖哩，因為夠辣之餘，又唔會似坊間咁落好重椰奶，搞到得個甜字，呢個係正種馬拉咖哩。而牛腩又唔會得個肥字，或者全部都係薯仔，牛腩數目都算多，有六七件。焗豬扒飯方面，焗飯就最香最吸引我每次點既飯，因為中伏機會低，如果連焗飯都唔掂，呢間餐廳係唔值得再去。今次既焗飯，焗既時間岩岩好，芝士岩岩開始溶，豬扒又嫩口，飯質都唔係用ｃｈｅａｐ米。雖然價錢算貴，但可能係大商場入面，租金高所以比街邊茶記略貴，但食物質素係好的。