泰麵膳 (已結業)

一場黎到竟然唔係食船麵，而係食了冬陰公麵不過與船麵其實大同小異而且很好味呀又係平靚正之選冬陰公湯底唔算好辣偏酸好開胃，湯底味道有啲似泰國出果隻冬陰公味杯麵。泰粉(金邊紛)算係幾煙韌...呢款麵好多餸呀 有豬潤、豬肉、豬肉碎、肉丸、魚片、蛋、通菜碎同埋炸雲吞，相當豐富呀...仲好飽肚。肉丸、豬潤同炸雲吞都相當出色。除左湯粉仲叫了我最愛的炸蝦餅，都算幾彈牙，醬汁都係甜酸醬但似係有啲梅的味道為左中和下食左辣野同熱氣野所以叫了杯檸檬梳打 順便消消暑