影片
更多
2020-10-03
306 浏览
石門都算係沙田區多黃店餐廳嘅地方，食物種類都比較多，而且性價比相對地高，可能租金始終都冇沙田站同大圍站咁貴。呢間船仔，近排做緊放題，如果係6:30前埋單每張單仲可以再減$10。放題有各種嘅船河食，湯底冇記錯係有兩種選擇，我淨係記得佢冇得揀冬陰功湯，但佢有最經典嘅船河湯底揀返。因為放題所以係食迷你size，每一碗河粉呢都係細細碗，啲餸份量就正正常常。我哋試咗三碗唔同配菜。味道都唔錯。另外亦都有串燒可以食，雞牛豬放題。串燒味道唔錯而且啖啖肉。不過你食得出佢唔係燒，而係油炸。但係講真呢個價錢算係咁上下啦，味道都算幾好。仲有包沙律可以放題，佢嘅沙律有啲似檬粉，又唔係好覺得完全係沙律，有檬粉喺度嘅感覺都係有啲飽。但係個汁酸咪咪係幾好食。仲有任食生菜加蠔油，對我哋啲港女來講呢就真係有需要嘅！最後嗰餐仲有包汽水任飲！
呢間船仔，近排做緊放題，如果係6:30前埋單每張單仲可以再減$10。
放題有各種嘅船河食，湯底冇記錯係有兩種選擇，我淨係記得佢冇得揀冬陰功湯，但佢有最經典嘅船河湯底揀返。
因為放題所以係食迷你size，每一碗河粉呢都係細細碗，啲餸份量就正正常常。我哋試咗三碗唔同配菜。味道都唔錯。
另外亦都有串燒可以食，雞牛豬放題。串燒味道唔錯而且啖啖肉。不過你食得出佢唔係燒，而係油炸。但係講真呢個價錢算係咁上下啦，味道都算幾好。
仲有包沙律可以放題，佢嘅沙律有啲似檬粉，又唔係好覺得完全係沙律，有檬粉喺度嘅感覺都係有啲飽。但係個汁酸咪咪係幾好食。
仲有任食生菜加蠔油，對我哋啲港女來講呢就真係有需要嘅！
最後嗰餐仲有包汽水任飲！
张贴
