天天海南雞飯 (ELEMENTS圓方)

营业中

休息中

天天海南雞係星加坡有食過，開咗嚟香港之後都係第一次食！圓方分店坐位闊落，都坐得幾舒服。佢呢度有好幾款招牌食物都好吸引，我哋食咗正宗海南雞+雞油飯、哪吒鬧海同埋古法骨茶。哪吒鬧海應該係喇沙，味道幾香、比較辣，食得辣嘅朋友應該會好鍾意！佢個造型好得意，打卡一流。海南雞係必食推介，雞肉嫩滑、雞皮爽脆，配埋秘製醬汁真係好好味😋 雞油飯亦都要食呀，飯粒乾身、有咬口，雞油香味十足！古法骨茶我都好鍾意！雖然佢藥材味唔係好重，但係我覺得啱啱好，排骨大大件，煮到好淋好入味。下次嚟圓方又多個選擇啦！