Cinnabon (奧海城2期) (已結業)

我個人都幾憎排隊，好在尋日去到見到人流唔算多，排咗大概15分鐘就輪到我✌️ 以前唔食肉桂，畢竟香港都唔多肉桂味嘅食物同埋飲品，不過人大咗味覺接受程度高咗，例如咖啡加些少肉桂粉可以令到味道更加有層次😋 講返個包先，原本想試一次過試勻晒三隻味可惜朱古力味售罄😭於是就買原味同埋焦糖味試試。【 Minibon 】😋 4/5一打開已經聞到震震嘅肉桂香味，引到我流晒口水🤤麵包質感鬆軟，層次分明，玉桂粉均勻咁灑喺每一層，以為會好重玉桂味但係食落我覺得係香多過濃，都ok 喎😜【 Mini Caramel Pecanbon 】😋 3.5/5原味加上焦糖醬，表面用合桃做裝飾，味道好夾，焦糖預咗佢係偏甜，不過都算係可接受嘅，食呢個最好配杯熱飲就可以中和一下甜度。