蟹仙海鮮蒸氣鍋 (仁愛街) (已結業)

宜家好流行粥底海鮮鍋，上星期我就帶左屋企人去左新蒲崗呢間《蟹仙》度試下呢個食新興食法。《蟹仙》顧名思義係主打海鮮啦，佢雖然冇華麗既裝潢，但佢對挑選海鮮食材既要求好高，點解我知呢？ 哈～因為有個疑似老闆娘既靚姐係店度好細心咁向每枱客人講解食材同煮法，為每款海鮮既烹調時間不一樣，為免過左火喉，佢都會在旁計算時間，唔驚會蒸過火，確保鮮甜美味！ 我地點左個398既海鮮餐，超豐富！鮑魚真係好大隻，蒸五分鐘就食得龍蝦大大隻，仲有好多膏又香濃，好厚肉，肉質彈嫩多汁。海蝦真係好新鮮，蒸到蝦頭既膏剛好熟透，蝦肉又滑又爽口！唔洗點豉油，入口鮮甜。隻蟹真係值回票價，一啲都唔細隻，非常新鮮。鮮橙色澎湃飽滿既蟹膏已經令我唾液三尺，蒸完打開嗰蓋己經有好香蟹味，肉質結實，蟹膏濃郁。海鮮就是這麼簡單，只要是新鮮，怎麼吃都好吃。而且呢個蒸氣鍋設計可以保留到海鮮既原汁原味。有機蔬菜籃蔬菜籃有粟米、南瓜、娃娃菜同唐生菜，佢哋本身非常新鮮，蒸完就保持到本身嘅鮮味，尤其鍾意粟米，鮮嫩清甜，有驚喜！南瓜排骨粥呢個南瓜排骨粥超級鮮味！貝類的汁液超香濃，係吃過最鮮味既粥品。預先放喺鍋底嘅南瓜排骨同珍珠米已經煮成粥，底吸晒海鮮既精華。