成都小巷 (已結業)

前兩日由公司(灣仔)行去銅鑼灣時，偶爾發現這間舖有米線食，話說在灣仔返工差不多半年，除了傳統粉麪舖或車仔麪檔，專食米線的好像沒幾間，所以就趁Happy Friday和同事一齊去食Lunch。舖頭細細間，茶餐廳格局，睇吓餐牌先。米線來說唔算貴，仲比連鎖店平少少。比起米線，飯餐仲抵!!!下次可以再黎試~我&同事每人叫咗一碗米線 ，唔洗等好耐就到，熱辣辣香噴噴~(我點的) 酸辣小鍋米線 (BB辣) + 木耳 + 牛腩 平時我食湯粉的話即使只是少辣也會嗆喉，不過這個不會，酸味也剛剛好。大推介!!另外牛腩好腍~亦有牛味!唔錯~木耳一大塊一大塊的，正常的爽脆感~(同事點的) 噴火麻辣米線 (中辣) + 鮮冬菇 + 金菇+ 豬軟骨 個湯底勁足料，連辣椒乾都有不少，試過一啖湯，還是覺得酸辣好食D豬軟骨大大舊，同事比咗舊我試，醃得好入味，也是大推美食!!PS. 同事叫咗杯凍奶茶走甜，第一次唔記得走，不過好快換過一杯啱既。同事話杯奶茶好好味，因為個茶膽靚。