canton pot (已結業)

是咁的，昨日友人約本人到酒店共進晚餐--打邊爐。酒店都有得十吓十吓？！本人一開始都係唔信，但友人話嚟咗先啦，唔嚟就走寶。入到餐廳，發覺裝修唔錯，環境乾淨，空氣清新，無一般火鍋店既噏味。因為友人已book枱，所以安排到一張四人枱比我地。隨即個侍應就比咗個IPad menu比我地睇同問我地想食咩。因為我唔食得牛，所以就話食海鮮同素菜。最後就要咗個$888龍蝦2人餐，仲同我地將套餐嘅牛肉改名豚肉。佢話份量夠我地兩人食之餘，仲可以滿足埋我地嗰3個願望。飲品就叫咗紫背天葵。落完食物侍應就叫我地混醬，有十幾款比我地混，超正！之後個set就嚟咗，原隻龍蝦剌身有龍蝦味，龍蝦湯有龍蝦味，食到個蔬菜拼盤都有龍蝦味，勁正！尤其係個菇菇福袋，非常好食，但係食完一個之後就好飽，好在一個set得一個，一人一個。食完之後侍應仲即刻清乾淨張枱比我地慢慢坐，非常貼心。侍應話下次可以帶多啲人嚟，因有間大房可以唱k，最多坐12人，最底消費$6000。