台竹美食坊 (已結業)

上次來吃壽司發現此店排長龍，今日吃晏突然想起未來過，就行過去，無人排喎，之後發現排隊原因，原來夜晚有49元任吃火鍋。三絲蛋包飯…香腸、洋蔥、火腿就係三絲拉，初頭以為蛋包飯係蛋包住舊飯，然後用刀切開就有飯出現，原來我諗得太多，原來係煎蛋放上面，幸好有甜士油撈吃，所以個飯係好味。辣菜舖肉燥飯…入口辣繼而麻，吃到我臉紅，幾過癮。每碟飯都大碟，用料充足，23元係抵吃。