茶木‧台式休閒餐廳 (樂富廣場A區)

营业中

休息中

好耐冇食牛肉麵，今次食呢碗紅燒牛頰肉麵真係幾好食！首先啲牛肉炆得好淋好入味，而且個調味係恰到好處，真係有啲台灣嘅感覺！ 朋友食嗰個古早紅燒牛肉拌麵味道更加好，拌麵味道濃啲，有少少辣，好香好惹味。 拌麵好快賣晒，要食就要趁早呀～份量都好多！我哋仲食咗一份溏心蛋，溏心部份真係整得幾好食，口感好好！然後就到大家都好期待嘅甜品：蜜糖磚塊(青蘋果) 😍😍😍 呢個甜品好大份，賣相吸引！一上枱大家已經搶住食啲爆谷～ 一粒粒嘅蜜糖多士烘得香脆，撈埋雪糕同cream一齊食好好味!飲品係脆脆黑糖瀑布珍珠奶茶～ 呢杯奶茶面頭放咗三粒芋圓，加上又厚又滑嘅奶茶同埋杯邊嘅脆脆，口感同埋味道都好豐富！必飲推介呀～