阿元來了 (已搬遷) 新店位置

好鍾意台式食物。上openrice查西環有咩好的台式餐廳, 見到呢間小店好似好得, 於是沿大道西經正街爬上山搵食。上到去都唔係講笑, 要D體力。見到店外排左7-8個人, 照排。好彩係一個人食LUNCH, 好快有位。排隊時已經點好魯肉飯名不虛傳, 大大碗。魯肉有肥有瘦, 絞勻同飯一齊食, 好味呀! 只係食到最後, 睇返隻碗內有一大層油, 先知大罪惡。大啖大啖飲珍珠奶茶, 想沖散D油, 但理性同自己講:「算罷啦, 咁仲肥呀!」來到台式店, 試下蚵仔煎就知佢得唔得。可惜, 阿元來了亦同出邊D店一樣, 用超大粒蠔, 而且無煎熟, 追求視覺多於味覺。 而且D粉太多。唔正宗!小店內其中一幅牆裝修到好有特色。最後埋單87元, 扣除蚵仔煎, 其實都好抵食, 一定有下次。