夏麵館 (寶石大廈) (已結業)

今晚同屋企人食飯，簡簡單單，去食上海菜。夏麵館嘅選擇好多，每人可以點自己鍾意嘅食物！燻蛋係我哋每次必點嘅食物！中間個蛋黃係流心㗎，好好食！之後要左碟醉雞，雖然係小食但份量都唔少。醉雞皮薄肉厚，脂肪唔多，酒味唔算太重。小朋友鍾意食點心，尤其係煎炸的，我哋叫咗炸饅頭，點煉奶食一流！佢呢度仲有唔少點心嘅選擇，蒸饅頭、生煎包、小籠包等等都有。我哋要咗三鮮豆腐羹，入面好足料，不過味道鹹咗啲。最後要左個菜飯。排骨菜飯大大份，排骨係厚切的，厚肉多汁，唔會炸到乾爭爭臨走發現原來指定時間食仲有優惠，大家可以留意下。