Cinnabon (奧海城2期) (已結業)

今日去咗喺奧海城新開嘅Cinnabon. 上星期新開嘅時候，已經見到有好多人排隊，今日開咗一個星期之後，都仲要排隊，但唔係要等好耐，都已經買到嘢食。之前有啲外國返嚟嘅朋友，提起呢個品牌，都已經好興奮。我未喺外國生活過，所以呢個品牌對我來講係一個新事物。今日有機會去食，食咗朱古力味嘅肉桂卷，再加一杯咖啡同一杯凍檸茶。起初我都擔心可能會覺得太甜，但係食嘅時候，又覺得個味道啱啱好。而且好新鮮，食嘅時候仲係暖嘅，keep 住新鮮出爐。朱古力味同玉桂味都係好好味，個sauce都好夾，整體來講very good。另外，真係要講吓杯咖啡，好多時候呢啲鋪頭嘅咖啡個水平未必太高，今日咁岩去到嘅時候，好想飲咖啡，所以就試吓。叫左一杯latte，絕對可以講係一杯有誠意同高水平嘅咖啡，絕對喜出望外，下次經過嘅時候，都值得單買一杯咖啡。希望呢間鋪頭可以保持水準，因為好耐都冇一啲我會覺得有驚喜嘅甜點同咖啡。