棋哥燒鵝餐室

营业中

休息中

口啖啖，心思思想食鵝。黎開筲箕灣，一於試吓呢間棋哥先。先前成日揸車經過見到，但都無幫襯過，今日無揸車，又早做完晒啲野，一於食吓鵝啦。叫咗個燒鵝併鹽水鵝配瀨粉，連個湯。我其實食完飯無幾耐，唔太餓，所以都唔叫配飯。燒鵝同瀨粉係最匹配嘅。一上碟見面頭有淋上少少鵝油。坦白講，啲鹽水鵝佢俾啲鵝背頸位，我就唔似朋友咁識欣賞啦，佢就鍾意啲骨香喎。我都係鍾意食肉多啲。鹽水鵝就一般，反而燒鵝有驚喜，皮脆有鵝香。雖然似係脾肉，但個底片咗半，有部分就併咗落同行朋友果碟度。不過都明白嘅，我只係叫$75 雙併，又唔係叫下庄。只要食物ok, 份量少啲我都覺得唔係問題。總括黎講，食物ok, 我會再幫襯嘅。