金東大小廚 (已結業)

天氣凍最好就係食煲仔飯, 熱辣辣香噴噴. 係港島區, 都唔去坤記? 驚人多無位o麻. 金東大係東大街有幾個舖位, 好快有位, 而且未食過佢嘅煲仔飯, 一於試下.去到等左一陣就有位, 等嘅時候, 睇到d相, 先知之前無線有飲食節目訪問過佢.... 除左煲仔飯, 佢都出名以水上人方式煮海鮮, 可惜今之得兩個人, 叫唔到咁多野, 下次人多d先試啦.兩個人叫左兩煲煲仔飯加碟菜, 一煲芋粒魷魚粒肉餅, 一煲鳳爪排骨. 話晒炭火即叫即煲, 等左差唔多30分鐘, 煲仔飯終於有得食. 侍應會問你要唔要豉油, 要嘅話佢會係煲仔飯嘅蓋面加豉油, 等d豉油自己慢慢滲入去, 再焗多陣先至食. 煲芋粒魷魚粒肉餅飯, 真係好好食, 一開煲蓋已經有土魷香, 將d芋粒魷魚粒撈埋入d肉餅度, 連埋d飯一齊食, 真係無得彈, d飯粒粒都收乾水, 唔會太濕同爛飯仔咁, 仲有飯焦食, 飯焦吸收左頭先加嘅豉油, 好食到停唔到口. 就係咁, 我竟然一個人完成左一煲飯, 攪到第二日食滯左.....煲鳳爪排骨飯, 其實都好食, 不過相對煲芋粒魷魚粒肉餅, 就被比下去. 其實金東大連夜市, 都提供點心, 佢嘅點心水準都唔會太差嘅,