潮食地 (已結業)

之前都食過一次呢間茶餐廳覺得唔錯，今次去到見到餐廳經理推薦佢哋嘅焗嘢，所以買兩個焗飯返屋企。值得一讚係佢哋嘅炒飯底夠晒乾身，仲有唔少蛋花。呢個算係少見比較好食嘅炒飯底。同埋焗飯經過半個鐘嘅車程都仲好好味，完全經得起時間考驗😂😂😂。🍴鮮茄豬扒飯$62茄汁酸甜開胃，豬扒肉質軟嫩，一啲都唔嚡口，而且份量都幾多😄😄。🍴咖喱芝士牛肋條$66咖喱味道濃郁，加埋芝士味道更加豐富，仲有少少焦香。牛肋條預先煮得好腍。