汀汀烤活魚 (已結業)

今日成日口淡淡 好想食翻D濃味嘅菜式 上網搵下有咩嘢食 就見到呢間食烤魚嘅餐廳🍴 淨係見到餐廳嘅食物相已經流口水🤤 岩曬我今日嘅口味😂 就約左個朋友放工一齊去食一開始我就急不及待叫左個招牌江團魚鍋 仲揀左辣嘅青花椒味 一上檯就非常吸引🤤 仲想拎起隻筷子即刻食翻啖先 跟住店員話條魚未係全熟 要烤一陣先可以開始食 話可以令到條魚更加入味😉 更加好食 煮左一陣就開始食 條魚又果然係好入味 而且魚肉仲係好滑 好好味之後我個朋友就叫左個小食 - 鬼馬墨魚膠 原來就係油炸鬼上加上墨魚膠 配埋泰式辣醬 又幾新奇 又幾好味😋我就叫左黑松露蓮藕餅 好耐無係餐廳見到有蓮藕餅賣 我即刻點左呢個小食 果然無令我失望 無論味道都口感都係我想食 好正😎