韓味屋 (已結業)

生日約埋好友午餐，因為佢哋無放假（我堅持生日唔會返工）所以揀返總公司附近嘅餐廳，特別等過咗中午飯市先去，餐廳只有兩枱客，店面唔大，黑紅色裝修，有啲韓國特色但唔花巧，不過座位好窄，出入都難！坐低睇餐牌，大家各點一款分享！午餐有碗海帶湯，可以沖下沖個味覺，更加食得出食物嘅原味！泡菜：每次夾三款，仲要好爽手，每款都成座小山一樣，仲可以任食，食完三款，特別同店員講想試下其他款式，佢又好好咁夾啲唔同嘅比我哋！大豆芽：覺得大豆芽粒豆好韌，不過麻油味清爽，豆卜：第一次食豆卜泡菜，微辣幾好味！大白菜：傳統泡菜，可能去得快，大白菜好新鮮多汁，微辣好味！菠菜：唔辣嘅泡菜都好味，菠菜煮透，調味好輕，好滑！酸蘿蔔：清爽酸酸開胃！酸瓜--辣青瓜較淋，帶啲清爽！微辣，幾款泡菜都好味！海鮮辣年糕：好大一碟，海鮮種類多，自己最鍾意蜆肉，加上唔韌魷魚，爽口鮮蝦，年榚煙韌，不過湯汁只係微辣，如果辣多少許會更惹味！煎牙帶魚：好大一起塊，煎得香脆，魚肉會多細骨，魚肉唔乾，無腥味！點少許豉油已經好夠味！韓式冷麵：自己喜歡食冷麵，但韓式冷麵同日式好唔同，麵質好煙韌，但湯汁無乜味，好清淡，主要係用「冷」去調味，上面嘅青瓜泡菜只係增