金蘭花泰國菜 (已結業)

星期日打完波就去咗食泰國菜。不過夜晚行到附近真係要留意下個招牌，唔睇掛住傾計真係會行過咗都唔知。點咗好多嘢食，最尾係食唔晒嘅，我地食飯好多時都會叫到多多，成枱都係。先叫咗杯青檸梳打解渴，清爽夠氣，食比較重口味嘅泰國菜就可以keep住清新嘅感覺，唔覺得膩。冬蔭功湯非常濃郁，湯料都非常多，蝦、菇菌、香茅、檸檬葉、南薑等等，味道都好正宗，又酸又辣，好開胃。咖喱軟殼蟹，黃咖喱汁唔會好辣，奶香味十足，加上脆口嘅軟殼蟹又點會唔好食，我地加咗白飯去撈汁，唔好浪費咗咁香嘅咖喱汁。菠蘿炒飯、碎肉生菜包、串燒其他菜式都好好味，下次過開港島打波嘅話，都可以再幫襯。