西貢真味越南小廚 (已結業)

見仲係放緊暑假，星期日同屋企人帶埋阿仔入西貢行吓。入到去剛啱3點，咪諗住食D野，橫掂未食lunch。估唔到咁晏西頁市仲咁多人，又唔想食咁飽，帶住阿仔食車仔面又坐得唔舒服，行過見到有間新既餐廳，係食越南野，見個門面都ok吖，就一家人入左去食。我地一行6人，門口有張大檯，仲有L位既梳化位，帶住小朋友都方便。我老公揀左個蕃茄牛腩粉，應該係呢度既招牌菜，我食左1碗仔，蕃茄味好香，難得既係D牛腩好淋又唔老。我食左個豬頸肉凍濛粉，個時掛住食都唔記得影相。凍濛既靈魂梗係魚露啦，初初估呢D小店，都係用D現成大路貨，估唔到佢地既魚露原來都大有來頭，仍地仲係樽度勾左塊牌解釋魚露既來源。另外令我意外既地方係佢地d豬頸肉，好爽有肉味有咬口，連我奶奶都大叫好食。至於飲品方便，本來我想試滴滴咖啡，不過驚自己夜晚瞓唔著，唔敢試，叫左個椰青同阿仔一齊飲。老公同奶奶就要左咖啡試，老公要凍既。原來佢地俾個杯仔你，等佢慢慢滴，杯底已經加左煉奶，滴完之後攪埋佢就飲得，飲凍既就將佢倒落個冰杯度。我偷飲左一啖，真係好香滑，正。唯一既問題係細杯d，不過學似老公話，最緊要好飲，espresso都係細細杯架啦！下次過黎西貢玩，又多個c