E Delicious Cafe Restaurant

去開西九龍買嘢，同BF搵吓附近有冇一啲比較好坐嘅地方食個brunch，搵吓搵吓嚟咗E Hotel 隔離嘅E Delicious，俾佢嘅門面吸引咗入嚟，餐廳地方寬敞，裝修好新淨，職員都面帶笑容服務真係好好！午間餐牌好多選擇，淨係蘭香子嘅飲品都10幾廿款😳牛扒豬扒羊扒魚柳意粉都好多唔同嘅set。我同男朋友都係鍾意食牛嘅所以我揀咗一個T骨扒餐，佢就揀咗一個肉眼扒餐。百幾蚊一個大大份⋯⋯頭盤有麵包同埋湯，我個羅宋湯好夠味但唔會太鹹，啲麵包烘得表皮脆卜卜，平時唔食餐前包嘅我都搽牛油𡁻咗半個。丅骨扒我揀七成熟，煎得好香口，有返咁上下厚度，肥瘦適中，如果冇記錯好似係澳洲牛，份量真係頗大好在佢嘅配菜係比較light 嘅焗薯同埋一啲雜菜，呢個配搭食起上嚟係啱啱好，個燒汁惹味。杯餐飲咖啡有驚喜，夠晒香濃，如果朝頭早淨係飲佢都會相當滿足😍☕️👍🏻甜品方面普普通通，係布甸加蒟蒻，如果係朱古力味嘅甜品就更加好🤤都要再次讚一讚職員服務好殷勤，下次會再幫襯，見到佢有好多款小食同埋有酒飲🥂🍾️仲要好抵🤫

牛魔王專用T-bone  🤤🤤

$128

令人驚喜的餐飲咖啡☕️💗

2