拿督星馬大飯店 (已結業)

已經在lunch time 時段食過好幾次了，因為假期及夜晚都唔開，我男朋友想黎食都食唔到😝 平時我會叫湯粉，今次想試其他菜式呢！豬扒黑鼓油干撈 $45醬汁好惹味，超開胃！不過味道偏甜，食到最尾有d 漏。豬扒燒得好香口，配佢提供既甜酸汁一齊食，恰到好處😋檳城炆鮮豬皮 $22豬皮同我地平時食車仔麵既豬皮好唔同，表面好光身，而且好入味，咬落好唸口，感到有好多骨膠原，必食。熱話梅菊花，跟餐 +$3勁多菊花，好足料！ 本身菊花冇乜味，加埋話梅嘅酸味一齊飲，好特別呢！但味道我就唔係幾飲得慣🙈 可以一試。我都係覺得湯粉同山楂冰好正，下次再食過。