影片
更多
2021-10-14
138 浏览
今日屋企人生日，會食素，所以今日就帶佢嚟呢度試吓。平時見到依間餐廳好多好評，一路都想嚟試吓。🔹酥炸植物豬扒 $52呢個真係勁似真嘅炸豬扒，個皮好脆，個皮同埋入邊啲肉唔會散收收，點埋沙律醬真係勁似真既咁。🔸沙嗲素雞串燒 $48加埋啲沙嗲醬一齊食，話係真雞串燒都有人信。🔹牛肝菌Impossible肉碎闊條麵 $118呢個闊條麵略嫌有少少乾身，如果啲汁多少少會好啲。但係整體嚟講都好重菌味。🔸原隻菠蘿炒椰菜花飯 $188呢個菜式好特別，用椰菜花碎代替左飯，開頭以為會好怪，但係食落去又幾好味幾夾。🔹原個南瓜忌廉燴飯 $158個南瓜好大個，入邊都裝到好多飯。而且個南瓜啲肉好好味，感覺好豐富。🔸50/50蕃茄自家製水牛芝士pizza $138呢個Pizza超級好味，佢啲自家製芝士整得好好味，我覺得仲好味過平時Pizza店嗰啲Pizza。🔹西瓜牛乳刨冰 $108 (生日牌+$18)生日唔一定要食蛋糕嘅，食個甜品都好開心。又可以當甜品，又可以當係飯後果。雖然個西瓜細細個，但係上面都有好多西瓜肉，而西瓜粒底下就有好多刨冰，平時好似好少機會食到有水果肉同刨冰一齊嘅組合。🔸荔枝西柚烏龍 $45荔枝味好出，反而
🔹酥炸植物豬扒 $52
呢個真係勁似真嘅炸豬扒，個皮好脆，個皮同埋入邊啲肉唔會散收收，點埋沙律醬真係勁似真既咁。
🔸沙嗲素雞串燒 $48
加埋啲沙嗲醬一齊食，話係真雞串燒都有人信。
🔹牛肝菌Impossible肉碎闊條麵 $118
呢個闊條麵略嫌有少少乾身，如果啲汁多少少會好啲。但係整體嚟講都好重菌味。
🔸原隻菠蘿炒椰菜花飯 $188
呢個菜式好特別，用椰菜花碎代替左飯，開頭以為會好怪，但係食落去又幾好味幾夾。
🔹原個南瓜忌廉燴飯 $158
個南瓜好大個，入邊都裝到好多飯。而且個南瓜啲肉好好味，感覺好豐富。
🔸50/50蕃茄自家製水牛芝士pizza $138
呢個Pizza超級好味，佢啲自家製芝士整得好好味，我覺得仲好味過平時Pizza店嗰啲Pizza。
🔹西瓜牛乳刨冰 $108 (生日牌+$18)
生日唔一定要食蛋糕嘅，食個甜品都好開心。又可以當甜品，又可以當係飯後果。雖然個西瓜細細個，但係上面都有好多西瓜肉，而西瓜粒底下就有好多刨冰，平時好似好少機會食到有水果肉同刨冰一齊嘅組合。
🔸荔枝西柚烏龍 $45
荔枝味好出，反而唔係好飲到西柚味，但係加埋烏龍味清清地好好飲。
🔹玫瑰荔枝梳打 $45
玫瑰味太重，杯嘢飲味道有少少假。
整體黎講依家餐廳有好多唔同嘅嘢食，而且好多菜式有得走五辛，好彈性，可以切合到唔同人嘅需要。雖然價錢有少少貴，但係新式嘅素食黎講呢個價錢都可以接受。
张贴
