太興 (已結業)

之前有次去咗太興食下午茶~因為唔係好肚餓, 所以就簡簡單單叫咗份"軟棉棉花生醬多士"就夠~ 第一次食呢款多士, 一放低就覺得份多士個樣都幾靚~ 多士唔太厚身~ 比平時食既西多士厚度要薄啲~ 塊多士上面搽咗啲花生醬~ 質地都算軟熟~ 最關鍵既就當然係上面既棉花糖啦! 上面有九粒大大粒既棉花糖~ 仲有烘焗過既痕跡~ 棉花糖上面仲淋左啲朱古力醬添~  粒棉花糖入面焗到輕微溶化, 食落去既口感好軟棉, 好正呀!! 配埋杯冰鎮奶茶相當滿足 (不過唔記得影奶茶)~ 雖然有咁多棉花糖又有朱古力醬, 但又未至於甜到勁漏~ 又或者我都係鍾意食甜品既人啦~ 下次都會encore~