芽莊越式料理

营业中

休息中

今日來左好出名越南野既芽莊食野。呢一間有幾間分店，我來左東涌東薈城呢間。我地叫左燒豬扒撈檬同埋香茅牛肉撈檬。燒豬扒撈檬啲豬扒好厚肉，燒得好好味。啲肉唔會燒到好老，火喉岩岩好。燒出黎唔乾，都有肉汁。 香矛牛肉撈檬，啲牛肉既汁好濃，食落唔un。兩個撈檬入面會有青瓜絲，紅蘿蔔絲，芽菜，花生碎同炸乾蒜，配菜好豐富！唯一唔同嘅就係香茅牛肉撈檬有菠蘿。菠蘿係新鮮既，吾係平時食開既罐頭菠蘿，超甜。啲配菜加埋檬粉口感好爽，食落有吾同層次既口感。我哋嗌左杯凍青檸茶，佢嘅茶味好重加埋青檸汁一流，非常解渴。環境好舒服，我哋坐係窗邊位，啲梳化都幾靚。夜晚都好多人幫襯下耐吾耐食下越南野，真係好幸福，下次會再幫襯啊