幸福駅 (已結業)

❗️用平民價嘆超滑溜既日式玉子燒❗️呢間家庭式小店主打玉子燒同便當, 店舖細細間, 位置較為隱蔽, 食物價錢親民。愛蛋人士必試的！厚切玉子三文治🥪 — 冇諗過份玉子會甘厚, 份量超足, 有驚喜！玉子燒用上兩種雞蛋製作, 其中一種蛋係日本雞蛋🥚。大啖咬一口, 玉子蛋味濃, 甜甜的, 中央仍留有蛋汁。白方包烘至有微脆既質感, 配上軟嫩既玉子燒, 口感豐富~另外推薦櫻花蝦玉子燒, 玉子充滿蛋香, 真係好嫩滑, 上面佈滿櫻花蝦, 帶咸香, 為甜味加添層次, 亦減低玉子帶黎既油膩感。