台灣牛肉麵 (已結業)

唸緊食咩既時候，門口姐姐向我地派發 coupon送免費小食，甘就吸引左我地入黎啦 ……餐前頭盤花生和涼拌蓮藕各一，蓮藕爽甜好好味。紅燒牛肉麵 ($30)：呢度既招牌菜，麵質地彈牙，但牛展肉炆得太唸，無左牛肉香味。湯底鹹鹹地唔香。台灣小食拼盤 ($52)：茄子煮得剛好唔會太唸，淋面既甜酸醬好味。燒豬耳和海節爽口野味。燻魚魚肉厚又唔乾身，好味。醉雞 ($46)：皮爽肉滑，雞肉肥美，酒味香。蒜蓉炒 A 菜($38)：普普通通。小籠包 ($18)：肉餡湯汁鮮甜，但皮太厚。高力豆沙 (免費)：外皮鬆脆、內里香軟，豆沙餡適中但甜左些。賣單時再送免費 coupon，唔通真係生意難做？