泉章居

旺角泉章居, 其實好耐都無去, 因為又要等位又要 Book. 又要指定時間交枱. 昨天去到唔限時, 唔使訂就立即有位, 全晚都唔滿座. 其實呢啲時候對食巿既影響就一定有的. 

今次叫左個4人套餐, 改左個粟米魚肚湯, 其實整體既食物質素都可以保持到! 而個粟米斑塊我覺得係最好味既! 本來個朋友一心想食雞, 我就覺得霸王雞同鹽焗, 我可能會選擇後者. 因為佢個霸王雞同我响出面食既有一段距離

紅燒豆腐其實又唔知點解每次都會點, 仲有個梅菜扣肉, 我都覺得佢做得好出色. 今次無點係因為大家都怕肥.... 我自己就好喜歡食! 送飯真係一流 ...

今次試左個骨髓, 本身一個無味既食物, 佢靠個蠔油汁另到佢有味... 個人覺得一般. 我下次都未必會叫.