肉骨皇 (已結業)

琴晚去左試新野，總共食左三個餸。首先係個蛋餅（臭豆參巴煎蛋餅），唔好以為佢係臭😂食落個蛋味幾出，佢加左啲洋蔥 即刻口感大增，另外有少少微辣 令佢更野味。唯一不足係我覺得多油左小小，不過同行友人話可以接受。第二樣係一個出面好小會見到既燕麥蝦（馬來麥皮蝦），整隻蝦被麥皮黏住，一入口味道係甜既，出乎意料之外。不過佢啲麥皮唔脆，搞到口感有啲怪。呢個蝦夠創新，但有待改善。最後係個飯（菠蘿蝦球炒飯），呢個飯正呀，廚房鑊氣一定夠 因為炒到粒粒分明 個飯又夠曬熱，味道岩岩好 唔會過酸或者鹹。不過整碟來計，蝦球比例好似少咗啲。整體來講，值得去試吓 地方乾淨 位置方便，野食特別👍🏻