我叫左蟹粉半乾車厘茄蟹粉汁天使麵，餐牌寫明係手拆鮮蟹肉，仲要限量發售，好扲貴呀!! 上枱時，老闆仲親手幫我地加D 芝士喺面，多少芝士，任君選擇。個汁好香濃，蟹肉鮮甜，配埋天使麵簡直一流。
另外我仲叫左個美國特級安格斯牛柳伴鵝肝配黑松露菌燒汁。原來鵝肝同牛扒可以係咁MATCH!!!
入口即溶O既鵝肝加上嫩滑O既牛扒，超正! 佢仲附有2個source，都正O既，不過我覺得乜都唔點都已經好好味。
我地仲叫左2杯飲品，red
sangria，紅酒味唔會太重，果味又豐富，配紅肉好夾。因為要渣番車出去所以叫左杯Swiss sweet係無酒精成份O既，甜甜地，好似飲緊cocktail咁，好適合年輕女士。
