友拉麵

营业中

休息中

荃灣出名多野食，但我一定會去荃字頭! 由荃豐開始，一直行到大窩口途中都係小商場，入邊好多飲食餐店，俾我無意中發掘左一間高質拉麵!入面除左有貓星人做招徠，整間餐廳都係日本木系風，好有日本味道~ 而且無台店員都會提供掛勾俾我地勾袋，方便又貼心~拉麵幾特別，可揀曲直，更可以揀麵質軟硬。另外小食都有十款，整體都好吸引~櫻花蝦拉麵差唔多成碗舖滿櫻花蝦，超誇張! 湯頭非常濃郁，入口第一啖非常甘香，拉麵揀左曲麵，感覺上比直麵更掛湯，爽口彈牙之余滿充湯汁! 叉燒炙燒夠香又唔油膩~溏心蛋係最正，整得超入味，而且蛋黃超香口~辛肉碎拉麵朋友揀左曲麵，一上台充斥一陣香辛味，真係流哂口水。湯底入口有肉既甜味，而且係一種日式辛辣味，甜而不辣但好惹味~~直麵原來都唔錯，掛湯能力都唔弱，但湯底真係非常出色!!免治雞肉棒一份有兩串，表面偏乾身，加左日式醬汁~ 但人口又幾juicy，而且加左雞軟骨，入口鬆軟雞肉味濃之余又有爽脆雞軟骨，口感好有層次~